កាក់អាមេរិកដែលមានរូបលោកស្រី Anna May Wong គឺជាកាក់ទី៥ដែលមានវត្តមាននៅក្នុងកម្មវិធី American Women Quarters របស់ United States Mints។
មានឈ្មោះដើមថា Wong Liu Tsong និងមានទីកំណើតនៅ Los Angeles លោកស្រីគឺជាតារាសម្ដែងហូលីវូដលំដាប់អន្តរជាតិ ដែលបានសម្ដែងក្នុង ៦០ ភាពយន្តជាង។ ហើយកាក់ដែលផលិតនេះ គឺដើម្បីឆ្លុះបញ្ចាំងសមិទ្ធផលលោកស្រី ដែលឆ្លងកាត់នូវឧបសគ្គ និងជំនះនូវភាពលំបាក (ការរើសអើងជាដើម) ក្នុងវិថីជីវិត។
កាក់នេះនឹងត្រូវដាក់ឲ្យមានចរាចរនៅថ្ងៃច័ន្ទ ទី២៤ ខែតុលានេះ ដោយមានរូបលោកស្រីនៅផ្នែកខាងក្រោយ និងរូបលោក George Washington ដែលជាប្រធានាធិបតីសហរដ្ឋអាមេរិកដំបូងនៅផ្នែកខាងមុខ៕
ឯកសារយោង:
1. Anna May Wong Quarter | American Women Quarters | U.S. Mint
2. Anna May Wong: Actress becomes first Asian American on US currency – BBC News
3. Anna May Wong Will Be the First Asian American on US Currency – The New York Times
