គ្រីប​តូមានផលប៉ះពាល់​ដល់​បរិស្ថានដោយរបៀបណា​?

​មួយ​រយ​:​ពេលនេះ​ ​មាន​​​រូបិយប័ណ្ណ​អេ​ឡិច​ត្រូនិ​ក​ ​ដែល​ចាប់ផ្តើម​ទទួល​បាន​ការចាប់អារម្មណ៍​ ​និង​មាន​ភាព​កក្រើក​ឡើង​ក្នុង​វិ​ស័​យ​វិនិយោគ​និង​ហិរញ្ញវត្ថុ​ទូទាំង​ពិភពលោក​ដោយ​ ​រូបិយប័ណ្ណ​មួយ​នោះ​គេ​ហៅថា​ ​រូបិយប័ណ្ណ​គ្រីប​តូ ​ឬ​ ​Crypt​o​currency​។​

​នៅ​ក្នុង​ពាក់កណ្តាល​ខែ​តុលា​មុននេះ​ ​វា​មានសន្ទុះ​តម្លៃ​កើន​ឡើង​ដល់​ $65,000 ​ដែល​មិនធ្លាប់​ឃើញ​ពីមុន​សោះ​ក្នុង​ប្រវត្តិ​របស់​ ​Bit​coin​នេះ​។​ ​រូបិយប័ណ្ណ​គ្រីប​តូ​គឺជា​រូបិយប័ណ្ណ​អេ​ឡិច​ត្រូនិ​ក​ម្យ៉ាង​ដែល​អនុញ្ញាត​ឱ្យ​អ្នកប្រើប្រាស់​ ​ទិញ​ឬ​ដោះ​ដូរ​បាន​ដូចជា​សាច់ប្រាក់​ ​ប៉ុន្តែ​វា​ត្រូវ​បានការ​ពា​រយ៉ា​ង​តឹងតែង​ដោយ​ប្រព័ន្ធ​មួយ​ឈ្មោះថា​ ​Block​chain​ ​ដែល​ ​ប្រព័ន្ធ​នេះ​នឹង​កត់ទុក​កា​រដោះ​ដូរ​លើ​អុី​ន​ធឺ​ណែ​ត​របស់​អ្នក​។​ ​មិនតែប៉ុណ្ណោះ​រូបិយប័ណ្ណ​គ្រីប​តូ​មាន​រហូត​ ​ដល់​ 6000​ប្រភេទ​ ​ដែល​ចាប់ពី​ឆ្នាំ​ 2013 ​ដល់​ឆ្នាំ​ 2021​ប្រភេទ​រូបិយប័ណ្ណ​គ្រីប​តូ​ធំ​ជាងគេ​ទាំង​១​០​ក្នុង​ទី​ផ្សារ​មាន​ ​ដូចជា​ ​Bit​coin​ ​Ether​e​u​m​ ​Bin​an​c​e​Coin​ ​Tether​ ​Card​an​o ​So​l​an​a​ XR​P​ ​P​o​l​k​ado​t​ S​h​i​b​a​In​u ​និង​Dog​e​coin​។​ ​Bit​coin​ ​មាន​ភាព​ល្បីល្បាញ​ជាងគេ​ដែល​មាន​មនុស្សជា​ច្រើន​បាន​ ​វិនិយោគ​ ​ហើយក៏​មាន​អ្នក​វិនិយោគ​ថ្មី​ចង់​ចូលរួម​វិនិយោគ​ផង​ដែរ​។

គ្រីប​តូមានផលប៉ះពាល់​ដល់​បរិស្ថានដោយរបៀបណា​?

1.ដេា​យ​សារ​រូបិយប័ណ្ណ​គ្រីប​តូ​ប្រើប្រាស់​ប្រព័ន្ធ​ ​block​chain​ ​ហើយ​វា​មាន​ទាក់ទង​នឹង​ ​Computer​ ​Mining​។​ ​Computer​ ​Mining​ ​ការ​ជីក​យក​រ៉ែ​នៅ​ក្នុង​បរិ​បទ​នៃ​ប​ច្ចេ​ក​វិទ្យា​គឺជា​ ​ការ​កត់ត្រា​រាល់​ប្រតិបត្តិការ​ទាំងអស់​របស់​រូបិយប័ណ្ណ​គ្រីប​តូ ហេី​យ​គេ​ប្រើ​ចរន្ត​អគ្គីស​នី​ក្នុង​ការ​ ​Mining​ ដេា​យ​ចរន្ត​អគ្គីស​នី​ផលិត​ចេញពី​ឥ​ន្ធនៈហ្វូ​ស៊ី​ល​ (​Fossil Fuel​s)​។​ ​ឥ​ន្ធនៈហ្វូ​ស៊ី​ល​បំពុល​បរិស្ថាន​ ​មិន​អាច​កែច្នៃ​ឡើងវិញ​បាន​ ​និង​ ​មិន​មាន​និរន្តរភាព​។​ ​ការប្រើប្រាស់​ឥ​ន្ធនៈហ្វូ​ស៊ី​ល​របស់​ ​Bit​coin​ ​ក្នុង​មួយ​ឆ្នាំ​អាច​ស្មើនឹង​ ​ការប្រើប្រាស់​ចរន្ត​អគ្គីស​នី​ក្នុង​មួយ​ឆ្នាំ​ ​របស់​ប្រទេស​ដូចជា​ ស៊ុ​យ​អែ​ត​ ប៉ូឡូ​ញ​ ​ឬ​ម៉ា​ឡេ​សុី ​ជាដើម​។​

2. ​ការប្រើប្រាស់​ ​Bitcoin​ ​ចំនួន​៦​៥​%​ស្ថិតនៅ​ក្នុង​ប្រទេស​ចិន​ដែល​ផ្អែក​ខ្លាំង​ទៅលើ​ថាមពល​ធ្យូងថ្ម​ ​មាន​ចំណែក​ធំ​ក្នុង​ការ​បំពុល​បរិស្ថាន​ ​ដោយសារតែ​វា​បញ្ចេញ​ឧស្ម័ន​ផ្ទះ​កញ្ចក់​ឧស្ម័ន​កា​បូ​និ​ក​ ​និង​ឧស្ម័ន​ផ្សេងៗ​លើស​ជាច្រើន​ដែល​រិតតែ​ធ្វើ​ឱ្យ​ផែនដី​កាត់​តែ​ឡើងក​ម្តៅ​។​ ​ឧស្ម័ន​ទាំងអស់​នេះ​ធ្វើ​ឱ្យ​មាន​ភាគរយ​ក្នុង​ការ​ឆេះ​ព្រៃ​ខ្ពស់​ ​និង​ធ្វើ​ឱ្យ​តំបន់​ទឹកកករ​លាយ​។​ ​ជា​រួម​ ​គឺ​វា​អាច​ប៉ះពាល់​ដល់​ជីវិត​សត្វ​។​ ​មិន​ត្រឹម​តែប៉ុណ្ណោះ​ ​វាក​៏​បំពុល​ដល់​បរិយាកាស​លើគោក​ ​និង​ក្នុង​ទឹក​ដែល​អាចប​ង្កឱ្យ​មាន​ជំងឺ​ដល់​មនុស្ស​ផង​ដែរ​។​

3. ​ទោះបីជា​គេ​ផ្លាស់ប្តូរ​មក​ប្រើ​ថាមពល​ក​កើតឡើងវិញ​ ​ឬ​ថាមពល​បៃតង​ក៏ដោយ​ ​ក៏​​វា​នៅតែ​ត្រូវការ​ថាមពល​ច្រើន​ ​ហើយ​ធ្វើ​ឱ្យ​ការ​ផ្គត់ផ្គង់​ដល់​តំបន់​ ​ឬ​ប្រទេស​កំពុង​អភិវឌ្ឍ​មួយ​ចំនួន​ ​មាន​ភាព​ខ្វះខាត​។​

​អត្ថបទ​នេះ​មិន​មាន​គោលបំណង​ណែនាំ​ឱ្យ​អ្នក​វិនិយោគ​ ​ឬ​មិន​វិនិយោគ​លើ​រូបិយប័ណ្ណ​គ្រីប​តូ​ណា​ ​មួយ​នោះ​ទេ​ ​គ្រាន់តែ​ចង់​ចែករំលែក​អំពី​ព័ត៌មាន​ទាក់ទង​នឹង​ផល​ប៉ះពាល់​ដល់​បរិស្ថាន​ក្នុង​វិ​ស​័​យ​មួយ​ ​នេះ​ប៉ុណ្ណោះ​។​ ​ទោះជាយ៉ាងណា​ ​សូម​អ្នក​សិក្សាស្រាវជ្រាវ​ឱ្យ​បាន​ច្រើន​និង​ច្បាស់លាស់​ជាមុន​ ​ប្រសិនបើ​អ្នក​ត្រូវ​សម្រេច​ចិត្ត​វិនិយោគ​លើ​វិ​ស័​យ​មួយ​នេះ​៕​ 😀

Click here to read more about: គួរ​វិនិយោគ​លើ​​Crypt​o ឬទេ?

© 2021 - 2022 K​A​K​CENT​ | ​រក្សាសិទ្ធិ​ដោយ​កាក់​សេន​
​សូម​ទាក់ទង​មក​ពួកយើង​ ​ប្រសិនបើ​អ្នក​ចង់​យក​មាតិកា​យើង​ទៅ​ប្រើប្រាស់​បន្ត​។