របៀបរៀបចំផែនការ​ចូលនិវត្តន៍

​តើ​អ្នកមាន​ផែនការ​ចូលនិវត្តន៍​ហើយ​ឬនៅ​??
​ការ​ចាប់ផ្ដើម​រៀបចំផែនការ​ចូលនិវត្តន៍​ឱ្យ​បាន​កាន់តែ​ឆាប់​កាន់តែ​ល្អ​។​

​ខាងក្រោម​នេះ​គឺជា​ដំណាក់កាល​ដែល​អ្នក​អាច​ចាប់ផ្ដើម​រៀបចំផែនការ​ចូលនិវត្តន៍​៖​

• ត្រូវ​ដឹង​ពី​ស្ថានភាព​ហិរញ្ញវត្ថុ​បច្ចុប្បន្ន​របស់​ខ្លួនឯង​

ដំបូង​អ្នក​ត្រូវ​ដឹង​ច្បាស់​ពី​ស្ថានភាព​ហិរញ្ញវត្ថុ​បច្ចុប្បន្ន​ជាមុន​សិន​ ​ទាំង​ចំណូល​ ​ចំណាយ​ ​និង​បំណុល​ជាប់​ខ្លួន​។​ ​ដើម្បី​គិតគូរ​នឹង​រៀបចំ​ ​ជំហាន​បន្ទាប់​ ​ត្រូវ​ខំ​រកចំណូល​បន្ថែម​ប៉ុន្មាន​ ​ត្រូវ​ចាយ​ប៉ុន្មាន​ ​សន្សំ​ប៉ុន្មាន​រាល់​ខែ​ ទើ​ច​អាច​សម្រេច​បាន​គោលដៅ​ ​ចូលនិវត្តន៍​ឱ្យ​ទាន់ពេល​វេលា​ដែល​គ្រោងទុក​។​

• ​ប៉ាន់ស្មាន​តម្រូវ​ការ​ចំណាយ​ ​សម្រាប់​ពេល​ចូលនិវត្តន៍​

​យើង​ត្រូវ​គិតទុកជាមុន​ពី​ចំនួន​លុយ​ដែល​យើង​នឹង​ត្រូវការ​ចាយ​ ​ពេល​ចូលនិវត្តន៍​។​ ​ដោយសារ​ការ​ចំណាយ​ពេល​ចូលនិវត្តន៍​ ​អាច​ខុសគ្នា​ច្រើន​ពី​តម្រូវ​ការ​ចំណាយ​បច្ចុប្បន្ន​។​ ​ពេល​ចាស់​ទៅ​អាច​ចំណាយ​ទៅលើ​ ​ការ​ដើរលេង​ ​ទិញ​ផ្ទះ​ ​សន្សំ​លុយ​ទុក​ឱ្យ​កូន​ ​និង​លើ​ការ​ព្យាបាល​ ​ឬ​ថែទាំ​សុខភាព​ជាដើម​។​

• កំណត់​គោលដៅ​ចូលនិវត្តន៍​របស់​អ្នក​ ​បន្ទាប់មក​ទៀត​អ្នក​អាច​ ​កំណត់​អាយុ​ ​និង​ចំនួន​ថវិកា​សម្រាប់​ពេល​ចូលនិវត្តន៍​។​

ឧទាហរណ៍​៖​ ​ឆ្នាំនេះ​អ្នក​អាយុ​២​៥​ឆ្នាំ​ ​ហើយ​អ្នក​ចង់​ចូលនិវត្តន៍​នៅ​អាយុ​ ​៧​០​ឆ្នាំ​ ​ជាមួយ​ទឹកប្រាក់​ $100,000​។​
​ដូច្នេះ​អ្នកមាន​ពេល​ ​៤​៥​ឆ្នាំ​ ​ដើម្បី​សម្រេច​គោលដៅ​ប​ង្រ្គប់​ថវិកា​នេះ​។​

• ​បង្កើត​គម្រោង​និង​អនុវត្ត​ផែនការ​របស់​អ្នក​

​អ្នក​គួរ​ពិចារណា​លើ​ថ្លៃ​ចំណាយ​នា​ពេល​អនាគត​ ​ដោយហេតុថា​ ​តម្លៃ​ទឹកប្រាក់​អាច​នឹង​ប្រែប្រួល​ខុស​ពី​បច្ចុប្បន្នកាល​។​ ​ស្រប​ពេល​គ្នា​នេះ​ ​អ្នក​ត្រូវ​ប្រាកដ​ថា​ការ​អនុវត្ត​តាម​ផែនការ​ចូលនិវត្តន៍​របស់​អ្នក​ ​នឹង​មិន​ប៉ះពាល់​ដល់​គម្រោង​សន្សំ​ឬ​គោលដៅ​ហិរញ្ញវត្ថុ​ដទៃទៀត​នោះ​ទេ​។​

• គន្លឹះ​៖​អ្នក​អាច​បង្កើត​គណនី​ធនាគារ​មួយ​ដាច់ដោយឡែក​សម្រាប់​ ​ប្រាក់​ចូលនិវត្តន៍​។​

​លើស​ពី​នេះ​ ​ដើម្បី​ពង្រឹង​ផែនការ​ចូលនិវត្តន៍​ឱ្យ​កាន់តែ​មាន​ប្រសិទ្ធ​ភាព​ ​អ្នក​ក៏​អាច​ស្វែងរក​ ​និង​ប្រឹក្សា​យោបល់​ពី​អ្នកជំនាញ​ផង​ដែរ​ ​ចំពោះ​ ​គម្រោង​ចូលនិវត្តន៍​របស់​អ្នក​៕​