វ័យខ្ទង់២០គឺជាវ័យមួយ ពោរពេញទៅដោយឱកាស ហើយក៏ជាវ័យកំពុងមានអារម្មណ៍វិលវល់ផងដែរ។
សូមអាន ៧ចំណុចខាងក្រោមនេះ បើអ្នកកំពុងស្ថិតក្នុងវ័យ២០៖
- ស្វែងយល់ពីខ្លួនឯង៖ ការស្គាល់ខ្លួនឯងជានរណា ពូកែខាងអី ចង់បានអី និងចូលចិត្តអី វាជួយឲ្យយើងអាចដើរឆ្ពោះ ទៅរកគោលដៅជីវិត។
- រៀបចំផែនការជីវិត៖ គឺជាវិធីមួយដើម្បីបង្ហាញទិសដៅ និងដឹងពីគោលបំណងក្នុងជីវិត។ នៅពេលអ្វីៗបានគ្រោងទុកមុន អ្នកនឹងមិនមានអារម្មណ៍ថាវង្វេងផ្លូវ ហើយវាចំណេញពេលវេលា។
- វិនិយោគលើខ្លួនឯង៖ អ្នកអាចវិនិយោគតាមរយៈ ការធ្វើលំហាត់ប្រាណ ការស្រឡាញ់ខ្លួនឯង ការរៀនជំនាញថ្មីៗ ឬ វិនិយោគលើការកែប្រែលម្អខ្លួនឲ្យប្រសើរជាងមុនជាដើម។
- អភិវឌ្ឍខ្លួន៖ រៀនអាន ស្ដាប់ និយាយ ធ្វើ ឲ្យបានច្រើន ដើម្បីទទួលបានចំណេះដឹងថ្មី និង បានយល់ពីទស្សនៈផ្សេងៗគ្នា។ ការអភិវឌ្ឍនខ្លួន គឺចាំបាច់ ប្រសិនអ្នកចង់ទទួលបានជោគជ័យ។
- Explore ក្នុងសង្គមការងារ៖ ប្រឡូកក្នុងវិស័យការងារ ដើម្បីយល់ដឹង និង ទទួលបានបទពិសោធន៍។ ក្រោយមក អ្នកអាចដឹងថា ការងារបែបណាដែលអ្នកស្រឡាញ់ចូលចិត្តធ្វើ។
- បង្កើនទំនាក់ទំនងជាមួយអ្នកដទៃ៖ មានទំនាក់ទំនងថ្មី អាចនាំឲ្យមានឱកាសការងារថ្មី។ ស្គាល់គេឲ្យបានច្រើន រួចរៀនពីចំណុចល្អៗ ឬរៀនពីបទពិសោធន៍របស់ពួកគាត់។
- គិតគូររឿងហិរញ្ញវត្ថុ៖ ចេះគ្រប់គ្រងលុយ សន្សំលុយ ឬវិនិយោគបានកាន់តែលឿនកាន់តែល្អ។ មែនទែនទៅ ហិរញ្ញវត្ថុផ្ទាល់ខ្លួនសំខាន់ណាស់ ដើម្បីរស់នៅប្រកបដោយភាពរីករាយ និងមានសុវត្ថិភាព។
តើអ្នកកំពុងអាន មានអាយុចូលក្បាល២០ឆ្នាំហើយឬនៅ?
