ចំណេះដឹងហិរញ្ញវត្ថុ ជាមេរៀនសំខាន់មួយដែលមនុស្សគ្រប់រូបគួរមានក្នុងការរស់នៅប្រចាំថ្ងៃ ព្រោះយើងខំរៀនសូត្រ ខំធ្វើការដើម្បីរកលុយ ប៉ុន្តែបើមិនមានចំណេះដឹងហិរញ្ញវត្ថុ បានចំណូល ឬប្រាក់ខែប៉ុន្មានក៏មិនអាចទុកដាក់ឲ្យសល់ដែរ។  ក្នុងថ្ងៃនេះកាក់សេន ចង់ចែករំលែកមេរៀនហិរញ្ញវត្ថុ ៥ ពីសៀវភៅលុយ និងជីវិត ភាគ ១ ជូនប្រិយមិត្តទាំងអស់គ្នា!!   ១. ការគ្រប់គ្រងលុយកម្រិតដំបូង  ការគ្រប់គ្រងកម្រិតដំបូងពិតជាមានសារសំខាន់ព្រោះវាជាស្ពានដែលនាំអ្នកគ្រប់គ្រងលុយឲ្យបានត្រឹមត្រូវ។ វារួមបញ្ចូលនូវទម្លាប់ល្អៗមួយចំនួនដូចជា៖ ចាយឲ្យតិចជាងចំណូល...