​មនុស្ស​សម័យ​ ​G​e​n-​Z​ ​គួរ​កាត់បន្ថយ​ចំណាយ​លើ​អ្វីខ្លះ​?

​G​e​n ​Z​ ​គឺជា​ក្រុម​មនុស្ស​ដែល​កើត​ក្នុង​ចន្លោះ​ឆ្នាំ​១​៩​៩​៧​ ​ទៅ​ឆ្នាំ​២​០​១​២​ ​ហើយ​បាន​ធំធាត់​ឡើង​ក្នុង​សម័យ​បច្ចេកវិទ្យា​កំពុង​មានការ​អភិវឌ្ឍ​។​ ​រីឯ​ទម្លាប់​ការចាយវាយ​ភាគច្រើន​ចាយ​ទូលាយ​ជាង​អ្នក​កើត​ជំនាន់​មុន​ពួកគេ​ ​ឬ​ហៅថា​ក្រុម​ ​Mill​e​nn​i​a​l​។​ ​ដើម្បី​ចៀសវាង​ការ​ប៉ះពាល់​ដល់​ហិរញ្ញវត្ថុ​ ​តើ​មនុស្ស​សម័យ​ ​G​e​n-​Z​ ​គួរ​កាត់បន្ថយ​ចំណាយ​លើ​អ្វីខ្លះ​?

1. ​ចំណាយ​លើ​សម្ភារ​និយម​

​យុវជន​សម័យ​បច្ចេកវិទ្យា​ទំនើប​ ​ច្បាស់ជា​មានការ​ស៊ាំ​ខ្លួន​ជាមួយនឹង​បច្ចេកវិទ្យា​ទំនើប​ៗ​ដូចជា​ ​ទូរស័ព្ទ​ ​កុំព្យូទ័រ​ ​និង​ឧបករណ៍​ផ្សេងៗ​ដែល​ចេញ​សេ​រ៊ី​ថ្មី​ជាប្រចាំ​។​ ​ប៉ុន្តែ​ការ​ដើរ​តាមសម័យ​កាល​លើ​ឧបករណ៍​ទាំងអស់​នេះ​អាច​ធ្វើឲ្យ​ប៉ះពាល់​ដល់​សុខភាព​ហិរញ្ញវត្ថុ​របស់​ពួកគេ​។​ ​សម្ភារ​ទាំងអស់​នេះ​មិន​ស្ថិត​ក្នុង​ប្រភេទ​ចំណាយ​ចាំបាច់​ទេ​ ​ប្រសិនបើ​នៅ​ប្រើប្រាស់​បាន​មិន​មាន​ការខូចខាត​អ្វី​ ​អ្នក​មិនបាច់​ផ្លាស់ប្តូរ​រាល់​ពេល​ចេញ​សេ​រ៊ី​ថ្មី​នោះ​ទេ​ ​។​

2. ​របស់​ប្រើប្រាស់​ប្រេ​ន​ៗ​

ស​ម្លៀ​ក​បំពាក់​ ​កាបូប​ ​ឬ​ស្បែកជើង​មិន​ចាំបាច់​ទាល់តែ​ជា​ម៉ាក​ល្បីឈ្មោះ​ ​មាន​តម្លៃ​ថ្លៃ​ទើប​មានគុណ​ភាព​ល្អ​ ​អាច​ប្រើប្រាស់​បាន​យូរ​ទេ​។​ ​ប្រើ​ត្រឹម​របស់មានតម្លៃ​ល្មមៗ​ ​មិនមែន​ជា​ម៉ាក​ល្បី​ក៏បាន​ ​ឲ្យតែ​យើង​តែ​ចេះ​ថែ​រក្សាទុក​ដាក់​មាន​របៀបរៀបរយ​ ​វា​ប្រើ​បាន​ដូចតែ​គ្នា​។​ ​ជាក់ស្ដែង​ទំនិញ​មាន​ម៉ាក​ល្បី​ៗ​គឺ​មាន​តម្លៃ​ខ្ពស់​ជាង​ទំនិញ​ធម្មតា​ទូទៅ​ ​ពី​២​ទៅ​៣​ដង​ឯណោះ​។​ ​បើ​យើង​យក​លុយ​នោះ​មក​សន្សំទុក​ ​ធ្វើ​ទុន​រកស៊ី​ ​ឬ​វិនិយោគ​ផ្សេងៗ​ ​មិន​ត្រឹម​មិន​ខ្ជះខ្ជាយ​ថែមទាំង​បាន​យក​លុយ​បង្កើត​លុយ​ទៀត​។​

3. ​ហូបបាយ​ក្រៅ​

ស្ថិត​ក្នុង​វ័យ​២​០​ ​ជាវ័​យ​ដែល​សម្បូរ​កម្មវិធី​ជួបជុំ​ ​បាយ​ក្រៅ​ច្រើនជាង​បាយ​ផ្ទះ​ ​តែ​ទម្លាប់​នេះ​មិនមែន​ជា​ល្អ​ដល់​សុខភាព​ហិរញ្ញវត្ថុ​ទេ​។​ ​កា​រញ៉ាំ​ក្រៅ​ចំណាយ​ច្រើនជាង​ញ៉ាំបាយ​ផ្ទះ​ ​ឬ​ច​ម្អិ​ន​អាហារ​ដោយខ្លួនឯង​ ​ព្រោះ​ពេល​យើង​ទិញ​អាហារ​ក្រៅ​ញ៉ាំ​ម្ដង​បានតែ​មួយ​ពេល​។​ ​ផ្ទុយទៅវិញ​ ​បើ​យើង​ទិញ​បន្លែ​ ​សាច់​ ​គ្រឿងទេស​អាច​លៃលក​ប្រើប្រាស់​បាន​២​ ​ឬ​៣​ពេល​ ​ដែល​អាចឲ្យ​យើង​សន្សំ​លុយ​បាន​ច្រើន​គួរសម​។​ ​ត្រង់​ចំណុច​នេះ​ ​មិនមែន​បានន័យ​ថា​អ្នក​មិន​ចេញក្រៅ​សោះឡើយ​ ​ពេលខ្លះ​ក៏មាន​កម្មវិធី​ត្រូវ​ជួបជុំ​ ​គួរ​មានកំណត់​ត្រឹមត្រូវ​ ​ចេញ​ត្រឹម​១​ដង​ ​ឬ​២​ដង​ក្នុង​មួយ​ស​ប្ដាហ៍​បានហើយ​។​

4. ​ទិញ​ទំនិញ​មិន​ចាំបាច់​ពេល​បញ្ចុះតម្លៃ​

មិនមែន​ឲ្យតែ​បញ្ចុះតម្លៃ​ ​ឬ​មាន​ប្រូ​ម៉ូ​សិន​ (​Promotion​) ​ផ្សេងៗ​ ​គិតថា​ជា​ឱកាសល្អ​សម្រាប់​ទិញ​ ​ឬ​ទទួល​បានការ​ផ្តល់​ជូន​ដ៏​ល្អ​នោះ​ទេ​។​ ​ទិញ​ទំនិញ​មិនមែន​ជា​តម្រូវ​ការ​ពេល​បញ្ចុះតម្លៃ​ ​ឬ​កំពុង​មាន​ប្រូ​ម៉ូ​សិន​ ​មិន​មានន័យ​ថា​យើង​កំពុង​សន្សំប្រាក់​នោះ​ទេ​។​ ​ប្រសិនបើ​ប្រញាប់ប្រញាល់​ទិញ​ដោយ​មិន​គិត​ពី​តម្រូវ​ការ​ ​និង​ការ​ចំណាយ​សរុប​ ​នោះ​យើង​នឹង​ចំណាយ​ច្រើនជាង​អ្វី​ដែល​យើង​ត្រូវ​ចំណាយ​។​

​នៅ​ក្នុង​ជំនាន់​ ​ឬ​សម័យ​ណា​ក៏ដោយ​ ​ការចាយវាយ​សន្សំសំចៃ​ ​និង​មាន​ផែនការ​ហិរញ្ញវត្ថុ​ត្រឹមត្រូវ​ជា​រឿង​សំខាន់​ ​ហើយ​ត្រូវ​ចេះ​បែងចែក​ឲ្យ​ដាច់​រវាង​តម្រូវ​ការ​ ​និង​ចំណង់​។​ ​ទោះ​ជា​ចង់​ចំណាយ​ទៅលើ​របស់របរ​ដែល​ខ្លួន​ចង់បាន​ក៏​ត្រូវ​ចេះគិតគូរ​ ​និង​មាន​ការកំណត់​ច្បាស់លាស់​ចៀសវាង​ចំណាយ​ខ្ជះខ្ជាយ​ដែល​នាំឲ្យ​ប៉ះពាល់​ដល់​សុខភាព​ហិរញ្ញវត្ថុ​៕​

© 2022 – 2023 K​A​K​CENT​ | ​រក្សាសិទ្ធិ​ដោយ​កាក់​សេន​
​សូម​ទាក់ទង​មក​ពួកយើង​ ​ប្រសិនបើ​អ្នក​ចង់​យក​មាតិកា​យើង​ទៅ​ប្រើប្រាស់​បន្ត​។​