ហេតុអ្វីគួរបើ​ក​ហាង​កាហ្វេ​?

​សម័យ​ឥ​ទ្បូ​វ​មាន​របរ​រក​សុី​ច្រើន​ណាស់​ ​មិន​ខ្វះ​នោះ​ទេ​។​ ​ប៉ុន្តែ​មុខរបរ​ដែល​នៅតែ​មាន​ប្រជាប្រិយភាព​ ​និង​ស្ថិត​ក្នុង​មហិច្ឆតា​នៃ​បេះដូង​យុវវ័យ​ ​គឺ​នៅតែ​ជា​ហាង​កាហ្វេ​​។​ ​ប្រិយ​មិត្ត​ដែល​ឆ្ងល់​ទេ​ថា​ ​ហេតុអ្វីបានជា​ពេញ​និយម​ម្ល៉េះ​ក្នុង​វិ​ស​័​យ​រក​សុី​ឥ​ទ្បូ​វ​នេះ​ ​ហើយ​តើ​យើង​គួរបើ​ក​ហាង​កាហ្វេ​ទៀត​ទេ​?

​ក​. ​ភេសជ្ជៈ​កាហ្វេ​ជា​ចំណង់​មិន​សាបសូន្យ​

​តាម​ទិន្នន័យ​មួយ​បាន​បង្ហាញ​ឱ្យ​ឃើញ​ថា​ ​មនុស្ស​ទូទាំង​ពិភពលោក​ពិសា​កាហ្វេ​ប្រមាណ​ ​៥​០​០​ប៊ី​លាន​កែវ​ ​ក្នុង​មួយឆ្នាំៗ​។​ ​ការ​ចម្រាញ់​ចេញ​ជា​ភេសជ្ជៈ​ ​មិន​ត្រឹមតែ​បំប៉ន​សុខភាព​មនុស្ស​នោះ​ទេ​ ​ថែមទាំង​ត្រូវ​បាន​គេ​ចាត់ទុកជា​ផ្នែក​មួយ​នៃ​ ​life​style​ ​ផង​ដែរ​។​ ​កាហ្វេ​នេះ​ទៀតសោត​ ​ត្រូវ​បាន​គេ​ប​ម្លែ​ង​ទៅជា​ភេសជ្ជ​:​ច្រើន​ប្រភេទ​ ​មាន​ ​Cap​p​ucc​in​o, ​American​o, ​Lat​t​e​ ​ជាដើម​ ​ដែល​ធ្វើឲ្យ​យើង​មិន​ងាយ​នឹង​ទ្រលាន់​ ​ហើយ​ឆាប់​ញៀន​នឹង​រសជាតិ​កាហ្វេ​អ៊ី​ន​របស់​វា​។​

​ខ​. ​ជា​វិ​ស័​យ​អាជីវកម្ម​ដែល​មាន​ទី​ផ្សារ​ខ្ពស់​

​ទី​ផ្សារ​របស់​កាហ្វេ​រំពឹង​ថា​នឹង​រីក​រហូតដល់​ ​១​៦​៧​ប៊ី​លាន​ដុល្លារ​ក្នុង​ឆ្នាំ​២​០​២​៧​💸​។​ ​នៅ​កម្ពុជា​យើង​ ​ហាង​កាហ្វេ​កំពុង​បង្ហាញ​វត្តមាន​តាមផ្លូវ​លំ​ ​វិថី​ធំ​ៗ​នានា​ ​តាំងពី​រទេះ​តាម​ចិញ្ចើមថ្នល់​ ​ហាង​ខ្នាត​តូច​ ​ខ្នាត​មធ្យម​ ​និង​ខ្នាត​ធំ​យ៉ាង​ច្រើន​។​ ​រីឯ​ ​កំណើន​អតិថិជន​ក៏​មានសន្ទុះ​ពី​មួយថ្ងៃ​ទៅ​មួយថ្ងៃ​។​
​ដូច្នេះ​ហើយ​ វិ​ស​័​យ​អាជីវកម្ម​នេះ​មិន​ត្រឹមតែ​មាន​ទី​ផ្សារ​ធំ​ទូលាយ​ ​និង​មាន​តម្រូវ​ការ​ខ្ពស់​នោះ​ទេ​ ​ប៉ុន្តែ​ក៏​បង្កើត​បានជា​សហគមន៍​ដែល​អាច​ជួយ​អាជីវករ​ថ្មីៗ​ចាប់ផ្តើម​រក​សុី​បើក​ហាង​ខ្លួនឯង​ដោយ​ងាយស្រួល​ជាង​មុន​ផង​ដែរ​។​

​គ​. ​មានឱកាស​បញ្ចេញ​គំនិតច្នៃប្រឌិត​

​ការ​ឆុងកាហ្វេ​ក៏​ជា​ទេពកោសល្យ​ ​និង​ឱកាស​បញ្ចេញស្នាដៃ​ដែរ​។​ ​ជាក់ស្តែង​ ​មាន​ហាង​កាហ្វេ​ច្រើន​ណាស់​ដែល​ទទួល​បាន​ជោគជ័យ​ដោយសារ​គំនិត​ដេ​គ​័​រហា​ង​ ​រចនាបថ​តុបតែង​ ​ច្នៃ​រសជាតិ​កាហ្វេ​ ​កា​រវេច​ខ្ចប់​ជាដើម​។​ ​រហូត​មាន​បុគ្គល​មួយ​ចំនួន​ ​មានគំនិត​ ​បង្កើត​តៀម​កាហ្វេ​នៅ​តាម​តំបន់​វាលស្រែ​ ​ឬ​ជាយក្រុង​ ​ព័ទ្ធជុំវិញ​ដោយ​ទេសភាព​ខៀវស្រងាត់​ ​និង​បរិយាកាស​ស្រស់បំព្រង​ ​ដែល​ផ្ដល់​បទពិសោធន៍​ថ្មី​ដល់​អតិថិជន​ទៀត​ផង​។​

​ភេសជ្ជៈ​កាហ្វេ​ជា​ចំណង់​មិន​សាបសូន្យ​សម្រាប់​ក្រពះ​ ​និង​បទពិសោធន៍​របស់​អ្នកទទួល​ទាន​។​ ​ទន្ទឹម​នឹង​ក្ដី​ប្រាថ្នា​បើក​ហាង​កាហ្វេ​ ​ម្ចាស់​អាជីវកម្ម​ ​ឬ​សហគ្រិន​គួរ​រៀបចំផែនការ​ ​យុទ្ធសាស្ត្រ​ ​marketing​ ​និង​ប្រឹក្សា​យោបល់​បន្ថែម​ជាមួយ​ដៃគូ​ដែល​មាន​វិជ្ជាជីវៈ​ក្នុង​វិ​ស​័​យ​កាហ្វេ​ ​ជាក់ស្ដែង​ដូច​ ​Gourmet​ ​Beverage​ ​Solution​s ​ដែល​ផ្ដោ​ត​ទៅលើ​ការ​ផ្គត់ផ្គង់​សម្ភារ​:​កាហ្វេ​ ​ជាមួយនឹង​សេវាកម្ម​ប្រឹក្សា​យោបល់​ណែនាំ​ ​ទៅលើ​ការ​បង្កើត​ ​ឬ​ពង្រីក​អាជីវកម្ម​ ​ក៏ដូចជា​សេវាកម្ម​ថែទាំ​ ​និង​ជួសជុល​ម៉ាស៊ីន​កាហ្វេ​ ​ព្រមទាំង​ការបង្ហាត់បង្រៀន​ដល់​ B​arista​ ​ផង​ដែរ​៕​

*​មាតិកា​នេះ​នាំមក​ជូន​ប្រិយ​មិត្ត​ដោយ​កាក់​សេន​ ​និង​សហការ​ដោយ​ ​G​BS - ​Gourmet​ ​Beverage​ ​Solution​s

© 2022 - 2023 K​A​K​CENT​ | ​រក្សាសិទ្ធិ​ផលិត​ដោយ​កាក់​សេន​
​ឯកសារ​យោង​:
1. ​Why​ ​i​s ​t​h​e​ ​coffee shop​ ​business​ ​a​ ​good​ ​business​? - ​E​n​t​rep​r​e​n​e​ur​ship​ - ​L​o​y​verse​ ​Town​
2. 6 ​Reason​s ​Why​ ​a​ ​Coffee Shop​ ​I​s ​a​ ​Good​ ​Business​
3. ​G​l​ob​a​l​ ​Coffee​ ​Market​: ​Analysis​ ​By​ ​Product​ ​Type​, ​By​ ​Coffee​ ​Bean​ ​Type​, ​By​ ​Region​ ​Size​ ​and​ ​Trend​s ​with​ ​Impact​ o​f​ ​CO​V​I​D​-19 ​and​ ​Forecast​ ​up to​ 2027.
4. 11 ​Incredible​ ​Fact​s ​About​ ​T​h​e​ ​G​l​ob​a​l​ ​Coffee​ ​Industry​